唔係靠父幹 21歲仔戴42萬「Daytona」原來佢係做呢行！

相信大家都好葡萄  !  21歲仔就戴42萬Daytona？唔係靠父幹，原來唔難，你都可以！！

21歲仔，因為隻42萬Daytona 一夜成名，除咗令人感到判頭真富貴之外，更引發坊間討論，點解有錢要戴勞。

其實，單新聞咁爆，全因為21歲仔已經戴勞，令人份外眼紅。

原來，睇返勞力士自己嘅8000名客戶數據，21歲仔戴勞真係非常罕有，根據報告，英國勞力士擁有者大部份係退休男人，平均68歲，35歲以下嘅客人，只得僅僅1.5%﹗即係話，好似21歲判頭呢類客人，100個先會出現1個。

咁到底，邊個會買Rolex呢？根據報告，以公司董事最多（係managing directors嘅有7.2%），有董事或管理層頭銜嘅超過兩成。此外，家庭主婦同警察，都有唔少人戴勞。

另外有一班"金融才俊" 年紀輕輕都買曬勞  相信大家都時不時會係facebook見到 !

好啦，講到呢度，大家都要清醒啦，原來戴勞者未必富有，各行各業亦可戴，而富有者則未必戴勞。所以，唔好再因為21歲判頭有42萬勞力士Cosmograph Daytona 而驚訝了，況且隻錶，都未夠買半個車位。

21歲姓鍾青年，相約友人，在長沙灣發祥街西及英華街交界一足球場踢波，球賽期間將個人貴重物品放置一旁。至晚上約11時，發現財物中一隻約值42萬元勞力士手錶被偷走，於是報警。警方列盜竊案處理，交深水埗警區刑事調查跟進，暫未有人被捕。

《蘋果》下午聯絡到物主「阿鍾」，他表示已經找回手錶，「係一位隊友唔覺意攞咗」。被偷去的手錶為勞力士Cosmograph Daytona（地通拿）116506型號。「阿鍾」說，昨晚一行13人到球場踢足球，「隨即把兩邊大門關上，直至完結也沒有其他人進入。」他把手錶和手機放在長凳上，以手挽袋墊底，並用衣物蓋住，但其後發現不翼而飛。

由於沒有陌生人進入，他當場已經詢問各人，但未有發現，於是報警；回家後，他在足球隊友的whatsapp群組內尋錶，表明「唔覺意又好，咩都好，攞番出嚟就銷案」，個多小時後(凌晨5時左右)其中一名隊友私下whatsapp他，指「攞衫時唔小心攞咗隻錶」，已經交到警署。「阿鍾」隨後致電警署確認，手錶在警方手上。

「阿鍾」做工程判頭，這是他第二隻勞力士手錶。「一向鐘意地通拿，呢一款特別啲，木村戴過，上年年頭托朋友響日本買，42萬5千蚊，儲咗兩三個月錢。」「阿鍾」嗜好踢足球，半年前朋友介紹下，幫手做業餘球隊的領隊，安排賽事處理雜務等。誤取手錶的隊友跟他不算十分熟落，據知是做地盤工。「阿鍾」坦言：「有心又好，冇意又好，畀一次機會囉！自己亦唔會再帶貴重嘢去球場。」

 Cosmograph Daytona（地通拿）採用40mm淺藍鉑金屬表面，配以棕色陶瓷圈及蠔式錶帶，甚具收藏價值。日本紅星木村拓哉，於2015年訪台時，即戴上這款手錶，頓成一時潮物。

參考來源