運動前後不應進食？這樣想就大錯特錯！運動後再食，反而會令肌肉增長得更快，瘦得更快〜

運動前後不應進食？這樣想就大錯特錯！運動後再食，反而會令肌肉增長得更快，瘦得更快〜！

想瘦身瘦得快，「飲食」同「運動」缺一不可，但唔少人都以為做運動就唔應該食咁多，怕之前嘅努力都白費曬，但經多次研究顯示，其實運動前後都應該要進食，但至於食啲乜都有分類，食得啱反而會令你減得更快！

運動前

小編身邊好多朋友都唔鍾意運動前食嘢，特別朝早都係會空肚做運動，但其實咁樣反而會令效果大打折扣，因為身體會唔夠體力，有時甚至要中途停止運動；所以建議會食小許食物，特別易消化嘅碳水化合物，運動期間就會分解醣類，更有動力消脂。

建議食品：

牛油果麥包多士

煎蛋貝果三文治

運動中

運動過程中會流失大量體液，所以要記得保持足量水分，同維持血糖水平，每10-20分鐘就好補充200-300 毫升水分，而飲用含電解質同醣類食物都非常有效！

建議食品：

水／排毒果水

運動後

運動後到底應該食定唔食好，視乎做邊類型運動，如果係運動強度較低，如快走、短程慢跑（1 -5 公里）等，就唔好食太多，或者分次食用。

建議食品：

牛油果雞蛋沙律

雞胸肉湯米

但如果係做重量訓練，運動後馬上進食可加快肌肉蛋白質合成，更易操到肌肉，建議碳水化合物:脂肪:蛋白質＝ 1:3:3 比例，熱量控制約300 大卡。

建議食品：

雜菜雞胸肉飯

鮮蔬煎豆腐炒麵

參考來源