「佛地魔」Angelica港姐整容前相片流出，做過夜場 , 利嘉閣 個人單月營業額46萬

《香港小姐競選2017》喺前日進行首輪面試，喺131個面試佳麗入面，有唔少都符合花生友嘅口味，其中一位自稱叫Angelica嘅女仔，芳齡25歲，嗰個又直又長嘅鼻，兩邊嘅蘋果肌又異常豐滿，結果「間尺鼻」Angelica成為整日焦點，網上瘋傳關於佢嘅報道，連帶突然多咗好多佢嘅舊照，好多朋友爆料講佢嘅背景！

講開「間尺鼻」Angelica嘅歷史背景，真係豐富而精采。25歲女，做過model，又簽過信星亞太娛樂想入行做藝人，可惜只係曇花一現；之後又有讀者報料，稱其曾「變靚啲」同做過夜場公關。噚日Angelica接受《蘋果》訪問時，未有就曾任公關作正面回應，只重複謂：「唔知點解好似好多人都唔鍾意我，但係我都唔識佢哋！」佢最唔開心嘅係，首輪面試出到嚟覺得自己好似俾人攞嚟炒作，同埋佢投訴話：「唔知點解影出嚟啲相咁樣衰，皮膚又好差，我啲朋友話真人唔會咁樣！」

自覺被針對嘅Angelica，其實真係好猛料；可能就係因為猛料，所以先成為「眾矢之的」啦。據知佢真係非常之有決心咁參選，事關參選港姐前佢係喺利嘉閣做地產經紀，做咗半年，個人單月營業額曾高達近46萬，仲獲得今年1月份該分行嘅最高營業額亞軍。但今年約四五月之交佢毅然辭職，未知是否想瞓身「盡地一煲」選港姐啦。不過問及其從前種種，Angelica都表示不願再談。至於有冇「變臉」？她稱：「唔想再回應其他，因為我都未入選，唔知點解咁鍾意搵我炒作，可能佢哋本身喺出邊都做關於娛樂圈嘅嘢。唔想攞我個名義將佢自己捧紅，亦都唔想攞人哋個名嚟捧紅自己。」 

參考來源