懶人泡腳瘦腿法 加入秘密配方 小腿立即瘦一圈 !

原來泡腳好處多！瘦身又瘦腳，日泡15分鐘以上，踢走返工腫脹腿〜！

返工經常坐／長期企都容易令下身腫脹，收工時特別係小腿就最明顯，而腫同肥係唔一樣，主要都係身體血液循環變慢而引起；如果想改善小腿變粗問題，不妨試嚇熱水泡腳，除咗令你雙腳變得纖細，仲可以全身去腫！

腳部有6條經脈通過，66個穴位同72個與臟腑相連感應點，透過泡腳就可以促進局部血液循環，加速廢物和脂肪排除，對於靜脈曲張、下身水分代謝不良都有改善效果，最啱就係想懶但又瘦嘅上班族〜

泡腳嘅溫度都有影響？

39。C 動氣在表而養皮40。C 動氣在皮而養皮41。C 動氣在表而養肉42。C 動氣在肉而養筋43。C 動氣在筋而養骨44。C 動氣在骨而養髓45。C 動氣在髓而養氣

不過心腦血管疾病、糖尿病患者、老人都不易泡得太熱，泡多啲就會知道自己最高可忍受溫度，而且水溫會隨時間而下降，如果太熱就加凍水調節，感到胸悶、頭暈就應停止泡腳。

泡腳時間?

大約15-30分鐘，都係泡多啲就知limit係幾多！而最佳時間就每晚7-9點，呢個鐘數係腎經氣血比較衰弱的時辰，所以熱水泡腳最補腎，最好泡到小腿一半！但就飯後一小時內不宜泡腳〜

泡腳小秘方！加入唔同材料令消腫養生更見效！

桂皮，消腫又稱肉桂，可以用花椒和桂皮各15克（一小撮或一小塊）熱水煮上10分鍾左右後泡腳

生薑泡腳，驅寒，治失眠  睡覺前，用中等大小的薑半塊切成片拍碎，蓋上鍋蓋用熱水煮上10分鍾左右，最好邊泡邊搓雙腳

以上兩款都可以令新陳代謝加快，小編就試過買街外制好嘅泡腳包，浸緊時會身體發熱同岀汗，之後仲好好訓添，而雙腳的確係有幼到，不過最好就keep住做，起碼都一星期2-3次就最好！

參考來源