今日經過樓下公園, 忍唔住喊左出黎...

今日晚上番屋企, 經過樓下公園, 係度坐左一陣, 忍唔住喊左出黎...

諗左一諗, 係喎, 星期4又番工, 又要早上7點幾起身趕去番工...買個麵包, 又要同人迫巴士...之後下車上斜行十分鐘, 食曬香港又汙染又汙濁的空氣...番到公司又要麵對複雜人事關係, 又要做好多費神的瑣碎工作...又要對住人扮好開心好開朗咁, 又要快又要唔可以有錯...不知不覺, 放工時間, 但總要ot一會, 搭埋車番到屋企又9點10點lu...

放工時諗住去萬寧買包朱古力食下者, 入到去, 見到個店員神色呆滯, 還要辛苦的假笑, 然後說歡迎光臨, 活在香港就要這樣子嗎? 之後想買包朱古力, 但一包朱古力成十蚊, 諗左一陣, 都係無錢買lu, 我賺得幾多者

...之後搭車又同人迫巴士, 上車一"do", 發覺巴士原來又加左幾毫子, 點解隻有加, 我未見車費減過既, 人工又唔我加 ...

行番屋企時, 經過樓下d地產鋪, 原來我附近d濕9單位(我住屯門), 都要成200萬...唔, 計左一計...首期當2成40萬, 160萬分20年還, 估計大約供320萬, 分20年供, 平均一個月一萬3. 現在大學生出來都未必有1萬3啦, 唔洗比家用, 水, 電, 雜費, loan, 搭車, 食飯, 上網, 電話, 睇醫生, 強積金等咩...唉.....唔通將來40時, 50時, 仲要同父母住公屋?......

番到屋企, 食完個飯, 沖完個涼後, 開電視睇下, 講什麼最低工資35元, 我心諗35元可以做得乜

之後又見到正苦d狗官話為左穩定樓價, 可見將來不會復見居屋....點解可以官商勾結到出曬麵? 年青人有乜咁對唔住你地班奸商, 你地班50後, 60後同地產商要榨到盡我地? 我地有乜咁對唔住你, 點解要咁對我地? ...

...係公園, 諗諗下, 唔開心得濟, 喊左出黎. ..

但唔開心後, 想真一點覺得香港唔再係小時候所認為的家, 覺得我對於香港不會有承擔, 更加不要有什麼回饋和貢獻...一切都無啦

d人會話香港交通方便, 多娛樂, 鋪頭開到好夜, 稅率低等等.....但香港實際稅率是何等的高, 生活質素何等的低....至於什麼鋪頭開到好夜, 做店員果d咪Hi Hilor, 日日長時間工作, 你的方便是建立在他們的痛苦之上, 至於多娛樂, 咪又係行街, 唱k, 有什麼特別, 個個商場一式一樣.....香港真是一個病態的社會和地方, 那樣令人生厭...

或者人始終要回到現實, 覺得自己不滿去怨, 於是無補......係既

惟有自己努力點, 才有機會離開這個煉獄般的地方..

參考來源