呢條CHEAP精！勾引我男友！仲誘惑我男友上佢屋企同佢咩咩咩

我真係好妒忌我男朋友個契妹（但唔係憎佢），中三去左青年學院讀之後上ＨＤ再大學畢業

而我呢？父母唔錫我，只係錫細我兩年ＧＥ龍鳳胎弟妹，特別係阿妹，

阿妹讀唔到書都要比佢讀，佢好命比佢由ＨＤ上大學

我唔係讀唔到書，ＣＥ成績可以直上到中六，就係因為阿爸唔比，我就要出黎做野

屋企家境唔算差，父母都有固定職業，住公屋，返工地點係住個區

我仲係拎住個中五學歷，做緊售貨員

我同我男朋友拍左拖４年，我今年２８佢就３６，

男朋友個契妹係男朋友爸爸自細認識ＧＥ好朋友ＧＥ獨生女，因為佢爸爸好早就過左身，

阿媽改嫁左，又同繼父繼兄唔岩傾，所以同男朋友父母一家好親近

男朋友仲有一個細佬係澳洲學緊廚，佢父母都係比較鍚契妹，

唔止男朋友父母，連其他Ｄ世叔伯都好錫佢，

以前我成日都同自己講，咁人地阿爸早死，阿媽改嫁，又多個同母異父細佬，咁多Ｄ關愛都好正常

但係日子耐左，發現自己真係唔大方

男朋友對契妹真係萬千愛護，最令我印象深刻

有一次，佢契妹病左，我男朋友同我同佢睇醫生，連男朋友父母都有黎，一個人病４個陪佢，因為間醫務所好細，加上有其他病人，所以我出去買佢地買左支水，本來都以為送佢返屋企，我同男朋友行陣街，到差唔多時間再買粥上黎比佢食，但男朋友話怕佢一個係到訓會出意外，咁我都明發高燒係辛苦，所以都打算係佢屋企睇電視，但男朋友話唔好嘈醒佢，我地一齊睇住佢訓，仲要４個鐘換一次退熱貼同探熱，到左下就佢都退左Ｄ燒，我問男朋友想食Ｄ咩我落去買，佢話我無大廈ＰＷ，所以佢去買，但返到黎只係見到４碗粥，契妹宜家食一碗，再晚Ｄ再食一碗，我同男朋友一人一碗，原因係唔想我地食物ＧＥ氣味影響佢。。。。。。。。。

又有一次，男朋友送左支ＣＲＥＡＭ比我，但係我睇個支野個質地唔係軟膠而係有少少錫紙ＦＥＥＬ ＧＥ，一禁就會變型個Ｄ，所以我就知我用緊係人地唔用ＧＥ野，我問過我男朋友，佢都有認因為契妹唔鐘意，所以先比我用

ＭＩＮＸＯＮＳ有排好ＨＩＴ，＂Ｎ仔＂出左成ＳＥＴ公仔，其實我都好鐘意，契妹都好鐘意男朋友就話一出新公仔就要我買一份黎食幫佢契妹儲，因為佢契妹唔鐘意食＂Ｎ記＂但可能因為我真心想早Ｄ嫁，融入佢地，真心想博好感，所以就自己食足３份＂Ｎ記＂一隻公仔比佢，兩隻比我自己我有Ｄ同事知道左，就自己買一份＂Ｎ記＂幫我換，唔好食得咁辛苦

再有一次，因為呢次我比我Ｄ同事知道左我男朋友同佢契妹Ｄ野，當然係我講，但個日真係ＳＡＤ到爆，嬲到不得了，Ｍ都遲左，

我男朋友同我出去食飯，因為我生日正日我無假放，之後個日又到佢唔得閒，所以提前同我慶祝，佢拎左盒Ｐ記ＧＥ手鏈比我，

仲幫我帶，之後佢仲問我鐘唔鐘意，Ｄ珠仔夠唔夠多，我就同佢講３粒都夠，一粒都唔平，佢就話無所謂，當我仲好ＥＮＪＯＹ個一刻，男朋友就除返條鏈，收返去，之後就拎左另一盒野比我話呢份先係比我，一打開其實我都好鐘意，係一個迪迪尼卡通擺設，我問佢咁個條鏈比邊個，佢話係比佢契妹，因為佢契妹就黎生日！我真係當場喊左出黎，唔係件野係Ｐ記定Ｄ記，而係覺得，點解你次次都要諗佢先？我連佢比我份野都無拎，就衝左出去，因為係我做野個到附近，所以見到一班同事鎖緊門，佢地見我喊就問我咩事，我完全講曬比佢地聽，佢地無講過男朋友或者契妹一句壞話，只係安慰我，男朋友都有不停ＷＨＡＴＡＰＰ我問我咩事

第二日我都無心情返工ＳＬ左，佢直情走去我公司問我有無返，咁我Ｄ同事只係話我ＳＬ左

之後我都有將我唔開心ＧＥ野講出黎，佢話佢個契妹好慘，阿爸早死阿媽改嫁，無咩留返比佢，只得層樓，自己一個生活

咁我又好易哄ＧＥ，所以之後大家又好似無咩事咁

到左今年年頭公司調左個幾好人但係又好有性格ＧＥ女仔黎我地間ＳＨＯＰ做經理（公司Ｄ ＳＨＯＰ ＭＡＮ三年一調位）

都有聽過佢性格好硬，雖然好多客都有投訴，不過個Ｄ都係Ｒ野唔成功ＧＥ客，

因為我同男朋友都想結婚，所以我都問公司我拎大假Ｄ野，

但自從上次件事同事知我男朋友同契妹Ｄ野之後，佢地都問我係唔係真係要嫁比佢，

之後新ＳＨＯＰ ＭＡＮ都係同事口中知道

佢就話＂死老豆老母改嫁又點？香港幾多個家庭一家幾口齊齊整整都上下不和ＬＡ家嘈屋閉ＬＡ，有你男朋友成家錫仲想點？都叫做老豆剩低有樓比佢，宜家香港有幾多個家庭做Ｎ無＂

本來我都唔上心，但係我同男朋友一家傾婚禮個時

男朋友就話除左件婚紗我自己揀之外，其實要用咩色，用咩花咩風格都交比佢契妹搞，

我話我想自己黎，佢就話因為契妹係讀ＤＥＳＩＧＮ，叫我放手比佢搞，仲要我唔好多事

但個陣佢契妹仲忙緊ＦＩＮＡＬ ＹＥＡＲ ＰＲＯＪＥＣＴ，所以要等佢忙完先ＷＯ，

我就話，不如我將想要ＧＥ野同佢講，佢再諗下可以點搞

男朋友就開始罵我多事，而話我唔將佢契妹當成一家人

之後我嬲住話唔結婚，仲將ＳＨＯＰ ＭＡＮ 句說話講左出黎

我直認自己係將我地之間ＧＥ野同人講，

講下講下認左自己真係好妒忌佢

其實我真係無咁大量可以忍到，我唔係介意係唔係Ｐ鏈，

而係覺得你唔係送比我又做咩帶係我手上

帶係我手上又做咩要除？不如唔好比我知，唔係仲好？

宜家男朋友問我仲想唔想結婚。。。。。。

參考來源