減肥大敵 -- 壽司卡路裡 大解析！
easyslim
減肥唔好掂的壽司係…… 壽司卡路裡 大解析！
睇落油都冇滴嘅日本壽司，感覺好Light? 有啲的確係，但有啲原來充滿地雷， 壽司卡路裡 原來可以多到嚇死人，隨時愈食愈肥！一齊睇清睇楚 壽司卡路裡 ，保證食唔肥！
常見 壽司卡路裡 逐件計
壽司卡路裡 ，營養師為你逐件計！1. 放心食系列帶子、甜蝦都屬蛋白質豐富兼低脂的貝殻類海鮮，而且當中含有鋅，可增強免疫力，可放心食！至於，三文魚、吞拿魚只要選擇非魚腩部位，卡路裡亦不會太高，且含有豐富Omega-3，有降血脂功效！
帶子壽司 35kcal、甜蝦壽司 35kcal、三文魚壽司 35kcal、吞拿魚壽司 35kcal
2. 適量食系列魷魚壽司低卡但高膽固醇，慎食！海膽壽司則鐵質豐富，惟有高膽固醇，不宜多吃！
魷魚壽司 40kcal、海膽壽司 50kcal
3. 少食為妙系列玉子燒 需用全蛋製作，但過程油量多、糖份亦重，絕非健康之選！味付螺肉壽司，則是醬汁出事，高糖高鈉！而海鰻壽司，因本身魚油比例高，加上醬油高卡，不宜多吃。另外魚子類也是要慎吃的款式，相當高卡路裡。
玉子燒 55kcal、海鰻壽司 64kcal、味付螺肉壽司 57kcal、三文魚子壽司 75kcal
4. 減肥唔好掂系列拖羅等魚腩位，卡路裡往往翻倍，注意！花之戀肥在一匙沙律醬，減肥千萬碰不得！腐皮壽司，不要以為全素就瘦，其實腐皮經油炸及醃漬，最肥！
拖羅壽司 80kcal、花之戀 109kcal、腐皮壽司 120kcal
壽司3大地雷位
地雷位1 － 壽司飯
每件握壽司飯量約20克，近24千卡，一餐不要吃多過十件，否則就會攝取過份的澱粉質，轉成多餘的脂肪。至於飯中的米醋，其實不需要過份擔心，因當中的糖份與卡路裡亦不算太高。
每件壽司飯量20克
地雷位2 － 豉油
豉油鈉含量高，包裝豉油約10克一包為例，已有近500mg的鈉，每人用一包，已差不多到了一餐700mg的上限。
地雷位3 － 冇菜食
壽司少菜， 即使是青瓜卷， 纖維亦低，若一餐缺少纖維，飽腹感也會愈遲出現，令你不知不覺愈食愈多。營養師建議，可以先吃一盒枝豆、車釐茄打底。
最佳揀法營養師建議，每人每餐最好選擇4件深海魚(非腩位) +4件貝類或蝦類 +2件海膽或其他 +一盒蔬果，便達約600kcal的水平！
分享到Line