係手機交友APP識左個女仔，佢竟然可以對我住做咁激既野，到依家自己都唔信係真

我地係手機交友APP認識 , 開頭都係抱住去玩既心態識下女仔 , 傾下計。

咁有晚零晨就認識左佢 , 住附近....

無幾耐佢已經話想約出黎見 , 出到黎之後大家感覺都唔錯....已經開始比較親密。

當時既我其實冇意思拍拖, 始終年齡上都相差5年。

果時既佢好鍾意我, 什至主動要求我做佢男朋友。最終都拍拖...

開始果陣佢真係好鍾意我, 我地都好甜密。什至有時覺得佢好痴身 , 從來只有我。

拍左一年後 , 做學生既佢都畢業出黎工作 , 大家相對既時間較以前少....但住附近要見總會見到既。

而我因身體多病痛 , 一直唔適合做全職 , 情緒一直低落。而佢一直都陪住我 , 我對佢係愈黎愈鍾意....

不過性格上既不合 , 總係經常嘈大交。時不時嘈交就增添情趣,太多就會變淡....

轉捩點 , 機緣巧合下 , 我要搬屋 , 由於屋企人決定既關係 , 一定要搬出呢個區。

搬去一個同佢相差好遠既地區 , 大家都好好好唔捨得。但命運有時就係咁.....唔捨得都要走。

大家見面時間少之有少 , 無得一齊搭車....感情淡到可以話分手。爭在未出聲....

由於我一直都有病痛(前列腺炎)關係 , 醫病都醫左幾年未見特別好轉....心情已經好低落 , 網上有人介紹試下前列腺按摩。

種種壓力下....我就嘗試下 , 去到之後 , 亦係我人生中唯一一次錯事 , 我真係做錯事。

事後好後悔好想喊, 點解自己會咁....好自責 , 又好驚有病。

太怕傳染到俾女朋友 , 會點算? 佢咁好既女仔 。我選擇左坦白(相信絕大部份男士係唔會講) , 亦都係呢一次既坦白....佢真係心碎了。

經過一後好長時間 , 我地總算仲係埋一齊....不過已經由佢好愛我 變到 我好愛佢 , 我感覺到佢終有一日會離開我 , 就算我幾愛佢都好 , 我知道大家心中有條剌。永遠會係度 , 我只能夠對佢更加好更加就佢。而佢...態度每個月都變緊 , 可以話無重視我。

可以3星期唔見 , 原因太忙 , 多野做....我開始懷疑緊佢係咪有第二個男人 , 佢一直否認。

而我個心就一直緊緊的痛。我知道常理推斷....但我控制自己唔好咁諗。

如是者, 去到近排..接近一個月冇見 , 只係WHATSAPP下 ,每次約佢都話唔得 , 返工好累。然後我只係問多兩句 , 就話我聊交嗌 ,

問多句就話唔信就分手 , 我一直忍....因為而家既我係好愛佢。但最後 , 都係要分開....

我一直想知真相...我知道一個女仔一時之間唔會變得咁絕 , 除非愛上第二個男仔。

經過我一星期不停要佢講出真相 , 質疑佢既說話。

佢終於承認左。我個心好痛......眼淚不停流........

自問自己只做錯過一次 , 亦無感情可言。點解 , 點解佢可以咁對我....夠竟一齊左幾耐?

佢一個一個既大話 , 已經無法相信...

如果一早唔愛我, 點解唔分手先同人一齊 , 點解一直忍暪我 。直到俾我識破........我真係心身都好累好痛 , 訓唔著。

呢個背叛對我黎講 , 實在太大....我唔知幾耐先可以平伏。

女人 , 一變就可以變成另一個人。呢種既絕...我唔想再感受多一次!

參考來源