我係尖沙咀做SALES，估唔到有個客向我下戰書，邀我放工去隻揪 !

我叫Johnny 想分享一個自己真人真事，我係尖沙咀某間服裝品牌做SALES。

某天下午，有個MK妹拖住個MK仔入黎睇牛仔褲，人皆有好色之心，我當然要掃描下條女啦，嗯， 雖然著得MK 但個樣真心唔錯。但點解靚女多數都著得MK？ 呢個真係一個謎。

係我掃描緊條女果陣， 佢條仔周到我，個樣已經話左俾我知：你望乜撚野呀柒頭？ 望我條女！

但我完全無驚，係我各方面計算下，無論身型，場地我都贏左。不過MK仔都做都咁 ，我咪讓一步 ，唔望啦，大家尊重大家，由得佢地行 。

本身真係怕左個MK仔，唔想理佢地，點知條女無啦啦問我

MK妹：有乜新款介紹

我：呢度呢D。我指著寫著New arrival 既地方

跟住條MK仔黎料

MK仔：屌你，唔好撚再HEA D ？

我：…..

MK仔：你同我逐件逐件講解哂呢度「了牙Y 」先好走呀。唔係我打鳩你 加 投訴你呀！

我心諗你真係大膽，同條女一齊係要扮哂野，要我逐件衫同你解釋先叫唔HEA ？

我： 走呀，呢度唔歡迎你地 。 我人生中第一次股起勇氣趕客走MK仔： 乜撚野，想打交呀？

我： 呢度唔係旺角 ，呢度係尖沙咀， 走啦， GETOUT呀！

MK妹：走啦！MK仔諗住打我果陣 ， 條女捉住佢

我：走啦！ 我唔想搞大件事，呢個唔歡迎你呀。

MK仔敗走，但仍不失霸氣，茫茫人海中邊走邊大叫「屌你老母呀！ 我屌你老母呀！！出黎隻揪呀！ 屌～….」。商場上的人都把目光投放在MK仔身上。

眼見佢地走左之後，我發現自己隻手係度震，第一次震得咁勁 ，心跳又快，因為我未試過咁夠膽罵客，同時我其實好驚佢會吹雞返黎搵我算帳，真係淆到僕街，心中百感交集之下，店長出現！

啪！ 店長拍了一拍我肩

店長： 阿仔，你知唔知呀，人其實係有分等級，你講D咩就註定你做咩人。

我：嗯。我呢個時候完全入唔到戲，完全理解唔到店長既說話， 只係輕輕地回答。

件事過後，我都無再見過條MK仔

參考來源