(真人真事) 琴晚出去食飯，我個fd 佢係女友面前一手掟爆左部Iphone6s ，之後佢女友唔再敢出聲...
9UP01
(真人真事) 琴晚出去食飯，我個fd 佢係女友面前一手掟爆左部Iphone6s ，之後佢女友唔再敢出聲...
話說琴晚我同阿明同佢女朋友加埋成班朋友去左飯聚，食食下飯阿明個電話號電話響，而我咁岩就坐係阿明旁邊，一睇，電話來電「Jeana」！
我當堂嚇一跳，因為Jeana 其實就係阿明第二個女朋友，或者叫作偷食對象，而更加複雜既係，Jeana 其實就係阿明女朋友既好朋友。
我望一望大家個樣，眾兄弟都心知不秒，因為我地都知阿明偷食，係得佢女朋友唔知，家下個感覺就好似當年會考最後1分鐘咁，好緊張！
見到阿明面都青埋，而隨著電話愈響愈耐，女朋友都發現左
女友：點解Jeana 會有你電話架！
阿明：….
女友：你地幾時識架！！！
呢次搞到我都緊張埋一份，因為我知道阿明唔接又死，接又死，唔接就證明有野，接左Jeana 第一句就話BB豬架話，呢度應該會發生命案！呢一刻，我個腦真係空白一片，自古風流皆失意，睇黎今日就係阿明同佢女朋友既分手之日。
砰！！！！！
阿明突然起身一手抽起部電話，好似變左Hulk 咁，腰都轉埋，勁大力咁將部電話往下一扔！一部Iphone6s 應聲爆開
阿明當住成間餐廳既客人面前，嗌左出來: 叫撚左唔好再搵我啦，死八婆！！！！！
現場萬籟俱寂，但阿明仍未收手
阿明：屌你老母！！！！！
我地同阿明女友都嚇到唔識比咩反應
阿明：我都忍夠Jeana，一早就叫佢唔好再打比我！！我已經有BB豬，唔想比人誤會
女朋友：唔好嬲啦，點解Jeana 會咁架
阿明：我真係唔知，頭先一見佢打黎左就好燥！我真係好嬲，嬲到唔識比反應，因為佢無當過你係朋友，我好激氣呀！
女朋友： BB，你對我真係好
我同眾兄弟都呆左，我又望一望大家個樣，相信大家心中都浮現一句
「高招！」
果晚之後，阿明女朋友都好聽話無再追問呢件事
而阿明第日出番部柒機，第一時間就話
「Sor，Jeana ，琴晚電話懷左，收唔到呀，哈哈」
分享到Line