派對妝容好難上手?3個簡單易化makeup ideas~第二個無得輸啊!
平時化妝因為番工番學關係,妝感多數都會偏向簡潔清新。所以有時夜晚有節目或者重大約會時想化得不同點就會無從入手~今天小編為大家帶了幾款不會太誇又好看的妝。Lets Party!
大地色系永無死,係平時畫開嘅棕色眼妝上加上閃亮金色,打亮眼窩,夠哂搶眼啊!
唔鐘意咁閃嘅可以用番matt啲嘅眼影,再係眼頭位置用閃粉點亮,一樣咁靚~
或者直接用matt色畫一個簡單眼妝,咁樣係眼睫毛同眼線方面誇張番少少都唔緊要!
再尼就係春夏最興嘅玫瑰金色~
玫瑰金作底色,深棕色推開係眼尾,再將粉紅色珠光掃係中間,有打亮焦點效果!
想要青春girlish效果嘅朋友可以用偏粉嫩嘅粉紅塗係上下眼瞼位,但切忌眼線畫得太實色,如果唔係會顯得格格不入~
如果同小編一樣唔係好慣用閃色嘅,推介下面依款比大家(心心眼)
淺粉紅打底,眼尾用豆沙色大範圍暈染開,下眼皮都掃少少。重點係用細掃係貼緊下眼線個位上珠光,低調得尼又有放大效果,配隻同色系或者sharp少少嘅唇膏都ok!
最後就係party嘅長勝將軍--紅唇!
紅唇已經夠sharp,所以眼妝部份唔建議整太多野,簡簡單單眼線睫毛就好夠!
手痕忍唔住嘅可以試下依個妝,沾少許偏深嘅啡或黑色眼影係成個眼窩推開。小編一開始都唔係好敢用黑色,驚整得唔好似黑眼圈,點知出到尼又相當唔錯喎!
就咁睇以為依個紅唇妝好易化,其實睇真啲眼頭同眼中央係有用白色眼影同眼線打亮架!好有巧思~
今晚有節目,沖定涼準備化妝先!
source : Pinterest