同女友一星期食左七餐譚仔，佢話我食唔到譚仔小辣 要同我分手...

食唔到辣原來係一種錯誤

或者佢只係想搵一個男人陪佢食辣

尋晚同女朋友睇完深夜食堂就去左附近既三哥

佢一直都無嫌我窮 我剩係會帶佢去食三哥 大家樂 m記呢d cheap雞野(平又好食)

佢甚至唔介意生日果陣我只係送左一個嘉頓蛋糕比佢

唔介意我摺紙花 唔介意我鐘意聽老餅歌

我有幻想過佢會成為我老婆 我地日日都周圍去食平野

去惠康去街市格價, 平平淡淡過一生

識左佢8個月 我地幾乎每個星期都會去食三哥(其實我並不喜歡)

我本身一開始就食住清湯先 (佢次次都食大辣，有時心情好就食特辣)

我之後轉左食酸辣(我已經覺得好辣)，及後佢要求我食10小辣

我每次都要飲一支700ml既水先食得哂碗米線(仲要成身汗，佢竟然話流汗好MAN)

其實我真係唔鐘意食，不過愛情就是互相遷就

咁尋日就係我地相識八個月，好罕有咁同佢去睇套戲(真係好罕有，因為我窮，平時多數同佢行書店)

睇完套戲之後佢心情唔係太好(可能佢唔喜歡深夜食堂呢套戲，或者佢太多野要思考)

不過就算佢開心定唔開心，佢食完三哥都會笑返

佢黑哂口面咁 我記得佢話過食得辣既男人好charm好man

咁就打算食個小辣型下等佢開心下(同佢出街我一定會帶水，本身準備左2支700ML既水)

食左啖 我既喉嚨已經承受唔住衝擊(我最高記錄都係食10小)

汗水同汗水不停交接咁落下，滴落張檯

我實在忍唔住咳左幾下，我感受到撕裂

其實食客就已經望哂過黎 笑笑口咁樣

呢個時候女朋友塊面已經由黑轉灰

咁我就即刻笑笑口咁兜返(把聲沙向左走向右走哂)：我今日唔係幾舒服，上次自己黎食都食到架，哈哈

我唔知佢係咪唔舒服定m到

細細聲講左句:垃圾。 佢從來都無罵過我

我甚至懷疑呢個世界係咪真係會有咁好既女朋友

我同佢無鬧過交

呢一刻我就知道 或者佢一直都只係裝作沉默

其實佢從來都無坦白過

「對唔住，Giroud，我真係接受唔到我既男朋友食唔到小辣，你日後仲點同我食中辣大辣

我有諗過我地會一生一世架，點解你始終都係食唔到辣，我地都係....分手啦」

之後佢就奪門而去(我相信佢無鐘意第二個男人，只係佢愛辣多於愛我)

愛情宜淡不而濃，我不過想一生安穩

食野都一勁樣呀

其實清湯唔好咩?我覺得都幾鮮甜呀

食咁辣會傷胃呀嘛

我覺得好難過，其實食唔到辣真係咁差咩.....

我好希望佢只係開一個玩笑，我願意比呢個玩笑維持2日

如果佢呢2日都係唔應我機既

我只好去 佢經常去既果間三哥等佢

之後食一次特辣(Hi啦媽，頂硬上)

再同佢講 其實我並唔太鐘意食三哥，其實大家樂都唔錯丫.....