女朋友叫我同佢去食泡菜鍋，食左一啖之後我暈左

是咁的，

昨日條女拉左我去食吉野家泡菜鍋，我聽完嚇左跳，然後得啖笑，

點知同佢去到吉野家個陣真係見到有人食緊個成煲血紅色既泡菜鍋......

本人先天對韓國食物深表遺憾，理解唔到韓國人既飲食習慣點解咁調皮：是拎但拎D腸啊午餐肉啊撈埋包公仔麵改個名叫部隊鍋就賣你一百幾廿蚊？

最可怕係D泡菜，成陣怪味都唔知佢地放左幾耐先拎出街比人食......但當然，身為一個港女既男朋友，我係完全無任何資格say no，

最後都係同佢叫左個紅噹噹既泡菜鍋。係食之前我盡量都同條女有講有笑，極力唔比佢sense到我對呢一煲野既抗拒...

但當D野食開始熟，我身體就變得愈來愈奇怪，

好似每粒細胞都面臨緊極嚴峻既危險，

用盡氣力向我個腦大叫：「唔好啊，你敢膽放呢D野入口我地就死你睇！」「傻豬來架，試下D泡菜，來~~~啊~~~~」

面對女朋友夾住過來既泡菜，我無可奈何地扭出一個欲拒還迎既表情迎接佢遞過來既泡菜。

舊泡菜既味道我已經唔記得左，因為，當我嘗試秒速將舊泡菜吞落去個下，我忽然眼前一黑，暈左......