怡保鬼店之真實鬼故事

相信有去過馬來西亞的朋友都吾會對怡保呢個地方感到陌生，皆因呢個小市出名多野食，尤其系河粉同芽菜雞。

呢次想分享的系處於怡保市中心的一間鬼店 （可能有些朋友已經聽過，不過仍然想同大家分享）

講番呢間鋪頭，如果以位置來講，其實可以話系處於極佳的位置，鋪面相當大，而且位處車來人往的中心點，照計響呢間鋪頭做生意的都應該會生意興隆，但繫結果就往往相反，過去二十幾年，前前後後換左差吾多十幾手，就從來沒有一間鋪頭系做得起。

幾年前由於好奇心驅使下我就走去問我老豆究竟呢間鋪頭髮生眯事，我老豆話其實他都吾系好肯定，不過二十幾年前就發生左一件慘劇：

話 說二十幾年前，呢間鋪頭系一間中餐館，由於價錢公道而且野食吾錯，所以生意可以話系非常理想。就系一個晚上，一個大著肚的孕婦（好似已經懷了7，8個 月）來到呢間餐館想話買野打包返去俾屋企人食（就住附近），就系她要離開時（正要行落店口出邊的樓梯時），響對面路突然有一架長途巴士竟然無故失控並高速 地向著間鋪頭的方向駛去。。結果那位孕婦當場慘死，仲一屍兩命，而巴士上的乘客大部分只系受輕傷，不過巴士司機同樣當場死亡。

發生左呢件事後，長途巴士公司亦都陪左一的錢俾孕婦的家眷，而那間中餐館亦使左的錢從新裝修損壞的鋪面同埋請左師傅來打齋超度。

但 系經過呢件事之後，餐館的生意可以話系越做越差，個老闆沒曬辦法就找了一些風水師傅來看看，的師傅都發覺風水上鋪頭更本無問題，但系就察覺到有股好重的 怨氣，而且對此亦都束手無策。結果個老闆由於吾想再蝕落去，結果就將間鋪頂讓俾其他人，結果年復一年，根本沒有一間做得長，其中有傳一些員工在夜晚收工時 會感覺到好吾舒服的壓逼感，有的會聽到怪聲，有的會聞到炒飯香（當日孕婦買的就系炒飯）

前幾年呢間鋪頭俾一個略懂泰國佛術的男人買左，他 決定響度經營泰國餐廳。但系由於呢間鋪確實好邪，他亦都遠赴泰國搵左兩個高僧指點如何以裝修陣法為呢間鋪 改運同埋希望籍此驅走邪氣。當所有野都搞掂之後，他亦都信心滿滿的開張了，甚至認為他將能把這間鋪頭重新做起。結果。。。？不到兩年，老闆宣告破產，身體 亦變得一日比一日差，而呢間鋪亦正式首次進入凋空期。據一的人講，如果夜晚經過呢間鋪頭，都會感覺到一種好吾舒服的寒氣。

過 左幾個月後，一位響怡保道行高深的道家師傅終於決定入去呢間鋪頭一探究竟。在經過多日的探索，調查後，呢位師傅決定開壇招魂，終於招到呢位孕婦同她講 數，呢位怨氣極重的女鬼話由於枉死響呢度，加上自己本身難消道氣，所以就決定留響度。但系就因為她的存在加上極深的怨氣，導致間鋪頭更本沒有可能可以做到 好生意，至於個位經營泰國餐廳的男人，女鬼就話因為他沒經她同意就胡亂裝修她的居所，所以系自招惡果。

為 左超度呢位女鬼，師傅決定為她日日做法事，吾知過左幾多日後呢位女鬼終於肯離開呢間鋪頭，不過就提醒師傅以後如果有人響度開鋪就一定要定時拜祭，如果吾 系就會返來騷擾。適逢有一位外地人想搵間有便宜又大間的鋪位經營麵包雞點，結果就買左落來。開鋪之前師傅亦都即刻將事情一五一十話俾他聽，他亦都每逢過時 過節會燒香供果的拜祭呢位女鬼，所以呢間麵包雞店總算順順利利地經營到現在。