《孖寶賽車》10個你一定要知道 既加速秘訣

《孖寶賽車》10個你一定要知道 既加速秘訣

1.預早踩油有著數！你有冇發現起步個時有D玩家特別快，有D就出煙坐左係度?因為你可以係3,2,1之前已經踩油！踩岩時間就會有得加速！只要倒數出到2字個時開始踩，99%

2.氣流爬頭！不論你有冇讀過PHYSIC都應該知前面條友幫你擋風，你就會少D風阻！即係咩? 少D野阻你加速咪開得快D囉！孖車一樣得！只要你STAY係前面玩家既正後方就會有氣流特效，突然快左比你爬佢頭！

3.男人老狗仲自動波?Switch出個時好多人見佢有auto功能就話，有auto咁玩D咩?喂, 你開AUTO放低個手制嬴到我咩都得。。。開住AUTO 會令到玩家少D炒車但同時禁止玩家駛入所有SHORTCUT路線!!咁究竟點先叫熜左? 睇車尾有冇天線！有即係開緊，無就係熜左！揀車個時只要篤+/- 就會見到可以禁L制開關自動導航，R就係自動踩油。

4.擦出粉火花甩尾你應該識掛? 入灣R制再左右摔…..好多人都唔知以為藍火再上橙火就係最勁，其實天外有天！係有粉紅色火花，加速最強！點解你無? 因為開住AUTO係唔會上到粉紅色！

5.天降甩尾大家只要係降落傘模式就快接觸地面時立即R 甩入灣就可以食住飛行速度加速！

6.騰雲駕霧之術好多人見跳台就駛過去，有時發現個跳台好似玩鬼你咁仲慢過你行正常路?因為你只想到你自己，無諗過跳台係可以加速！只要係跳台(不論有無加速板)離地一刻禁R制跳起就會有加速BUFF！成功加速角色會擺出各種弱智仔花式動作，相反失敗就會好似打尿震咁震左下就完…

7.道具護身符當你發現有隻紅龜追殺緊你，而你身上得塊蕉皮可以點算???其實只要你禁實L 就可以禁道具掛係後面 (蘑菇/星星等自身BUFF唔得)咁就可以幫你擋紅龜！…不過唔好用炸彈檔，會爆番自己….藍龜就只有大喇叭/變鬼/超級星可以救你(鬼叫你排第一咁爽)

8.道具速速顯靈

當你知道綠龜蕉皮可以救你，但你身上咩都無，前面有 ? 箱，後後大大隻紅龜黎緊，你一定好絕望！唔駛驚！只要你拎箱之後禁實 L 就可以加速題示拎到咩，隨時上天保佑救你一命！

9.反方向射擊突襲依照其實有左好耐，不過總有新手唔知..只要你禁實 L 掛道具係後面時，同時將左菇拉後就可以向後射 (包括龜殼/種子花)部份道具你後前推再鬆開 L 就可以後前拋 (包括炸彈/蕉皮等等)而且禁實 X 制你仲可以向後望比你瞄住人黎射！

10.有錢大哂平時賽車見到D 金幣除左執夠一定數最有得開唔多車/零件之外仲有咩用?其實每執一次就會加你少少速度，執夠10粒就加最多！所以記得盡量入線KEEP住有10粒啊！