知道女朋友比人包養過，問真D原來係做左雞幾年

睇黎由今晚開始 以後每一晚我都只會一個人自己過 因為終於同女朋友分左手

講番少少背景先 我同女朋友中一下學期就一齊左 感情一路都好好 拍到會考完 因為我成績太差

佢廿幾分 我出於自卑 成日借D依搵藉口同我女朋友分手 即使我知道佢係唔介意我廢

但我接受唔到喱個事實 終於有次佢生日 我同佢去KFC食晚飯 老母比左$50我 叫我慳D洗

我仲大大聲話一定會有錢剩番去 唔會用哂 本來諗住請埋女朋友食 帶埋優惠券都係$46左右

點知我比錢去佢買果陣 佢叫左個餐 再加雞皇飯 話怕唔飽 結果用哂我果$50

我嬲到震 拎左個外賣盒打包走D野食就頭也不回咁番左屋企 大家冇聯絡下就分左手..

直到佢考完DSE 有次我地係街到撞到 問番近況 傾傾下發現佢仲未有男朋友

結果我地又一齊番

放榜之後佢仲入左UST讀神科

我又開始有D介意 所以果排我地1個月先可能出1次街 我見佢又冇乜怨言 以為佢慣左

但上星期我無意中睇到佢FB MESSAGE 原來佢係大學期間 一直有條友比錢佢洗

我去質問佢 佢唔肯認...

GreatDaily

我一開始仲以為佢同D朋友仔玩下 我就開玩笑咁問佢:喂 係咪成日有人比錢你洗

點知佢唔出聲 面色一沉咁 過左幾秒 佢:下..你講咩啊..痴線架咩

我就開始覺得唔對路 咪追問落去:係咪有姐 比D黎洗啊

半推半撞下 佢真係爆左出黎 話:1個月5000 但要陪個男人行街睇戲 唔會做其他野

我聽到之後成個人灰哂

覺得女朋友轉變左好多 果陣佢仲天真無邪

而家竟然做雞咁 我鬧佢係雞 佢就喊得好勁 我見到咁 就唔忍心話佢住

叫大家各自番屋企冷靜下先..

岩岩下就約左出黎 諗住同佢講清楚 雖然佢唔認 話自己最多都係同佢拖下手

但我唔信 我覺得佢好DIRTY 我唔可以同個咁既女仔拍拖

我地約左係間茶餐廳到見 諗住冇乜人 點知佢一見到我就喊到痴左線

我:你剩係答我一個問題 你到底有冇同佢搞過?

佢望住我 冇答到我 繼續係到喊 過左2分鐘左右 我再問:你答我一句 有定冇?

佢仍然係冇答我 旁邊既人就開始望住哂我地 可能因為我地冇叫野食就坐左係到成5分鐘

我見女朋友仲喊緊 我出去搵伙記叫左杯凍奶茶 點知佢話單叫一杯要$15 我同佢嘈左陣

最後都落左單 番埋位之後女朋友已經冇再喊 但對眼都喊到腫哂

佢仍然一句話都冇講 我終於忍唔住話: 分手啦 我喱個廢人咁窮 唔岩你 更養唔起你

之後我一支箭就沖左出間野 番到屋企 係廁所冷靜左陣 先出番黎上高登