對唔住，我攪左你朋友...

呢件事發生係中學時期，記得有個男性朋友阿A，佢唔係有錢亦都唔係好靚仔，但勝在識得捉住女仔既心，知道佢地想要咩、需要咩

簡單Ｄ講，即係好識得溝女

.

而阿A本身有個現任女朋友阿B，亦因為中學時期拍拖可以話無秘密，所以我地成班同學仔都知道佢地既關係

一傳十、十傳百，連老師同隔離班既同學都知道

係外人既角度睇，佢地真係好sweet

返學放學食lunch都成日痴埋一齊，連去自修室溫書都形影不離

.

一年光陰過去，轉眼間已經到左畢業禮、公開試。

放榜當日阿A因為成績比較好，緊緊原校升到上中六，

而佢女朋友就名落孫山，轉讀左其他院校

亦都因為呢個原因，阿A係學校識到一個低一form既女仔阿C

.

阿C出左名係校花級數，而佢係基督教教徒，所以比人既感覺好純好乖，呢一type既女仔可以話好多男生都鍾意

而學校的確好多男仔都識得佢，甚至想「認識」佢

.

（阿B同阿C互相認識，但只係hi bye friend，感情唔算深厚）

.

而係唔知幾時、唔知咩情況下，阿A私底下搭上左阿C。

當然係學校表面上扮到唔識得一樣，因為外人都知道佢有女朋友，所以順理成章全世界都唔知道佢地曖昧緊

當然，就連阿B亦被蒙在鼓裡。

.

AB拍左拖就黎兩年，當中都有唔少爭吵埸面

而今次就係一次鬧交，就係話自己飲大左，就係搵左阿C上屋企陪自己

成個發展就好似電視劇一樣，阿A同阿C發生左關係

.

當初阿C以為阿A會真係鍾意自己，所以先願意咁做

仲承諾佢會盡快解決同阿B既問題，但奈何一拖再拖...

另一邊廂，佢就話同阿B講唔會分手。

.

紙始終包唔住火

直到一日阿B終於知道左成件事。

對於佢黎講打擊真係極之大，完全接受唔到自己男朋友背住佢做左咁多野，仲要係一個自己認識既朋友

雖然好痛，但都只能夠放手。

.

阿A知道今次玩出火，係朋友圈子入面，大家都仲未知道阿A原來係一個僕街仔，仲以為佢係一個24孝男朋友

當然佢亦唔想人地知道成件事

但係阿C既角度，就以為自己順理成章可以坐正

而世事就係咁諷刺，結果亦唔係想像中咁完美

.

當你覺得ABC既關係已經好混亂既時候，咁仲未算複雜..

.

原來阿D一直有同阿C私底下聯絡…而佢本身同係阿A既好朋友、好兄弟

但阿D從來都唔知自己老友原來同阿C有一手

佢仲傻下傻下咁想追阿C，但個女仔又無拒絕，反而仲同阿D好曖昧

因為係外人眼中，阿D無論樣同性格都比阿A好，所以亦都係阿C唔想咁輕易放手既原因之一

.

當你以為阿A已經夠僕街，原來一山還有一山高。

兩手準備，水泡已成

.

有一晚阿A同阿D一齊打波個陣就傾到想追阿C

阿A考慮到唔成臭名遠播，加上唔想無左個朋友，所以選擇唔同個女仔一齊

阿C好失望，期間多次借酒消愁，亦搵左阿D陪自己..

.

年月洗禮

最後阿D真係成功同左阿C一齊左

拍拖期間個女仔終於講左佢同阿A既關係..但中間就忽略左好多重要細節

例如上床

.

短短半年，阿D一直以為自己女朋友只係同阿A鍚過，並無發生咩大件事

.

然而一年之後，兩個最後分手收埸

無意間一個係阿A同阿D既共同朋友將件事講番出黎，阿D呢刻先恍然大悟，先發覺自己有少少綠帽feel

戴左咁耐，仲要比人講先知頭頂有帽

.

阿D真係好失望..

除左覺得阿A真係好撚僕街之外..原來佢一直鍾意既阿C都唔係咩乖乖女..同樣係一個雙面既八婆

回想番當日阿A同阿B既甜蜜畫面，佢估都估唔到背後既真相係咁樣…

雖然佢同阿B只係同學一埸，但都覺得佢好慘…

或者大家都好似係呢段關係中既受害者

.

現實既愛情關係仲複雜過神探伽利略既殺人事件，比電視劇更加荒謬

呢段關係入面，四個最後都無好既結果

.

愛情、友情，全都破裂。

.

每個人心入面，相信都留底左一個不可磨滅既烙印。

往後再去投入另一段感情，始終難免有點耿耿於懷。

.

我地有時見到電影、電視情節會激動有感覺

係因為..當初我地都受過傷，所以明白

.

.

.

.

「那一天我受過傷，所以理解這狀況」

「迷糊裡 救藥無方的感覺 曾流淚到天光」

.

一句對唔住..真係有用咩？