今日係課室做緊功課嗰陣，男班長突然係我後面叫我除衫..

話說今日返學先醒起有份數學功課未做,

所以Lunch飯都唔食留係課室諗住快手做埋佢. 

因為全班都出左去食飯, 而男班長又話佢唔肚餓唔出去, 所以班房到就得返我同佢兩個人. 

雖然我同男班長唔係咁熟, 但有時候佢都會主動搵我講野, 不過可能佢見我忙緊功課啦, 佢今日一粒聲冇出. 

咁由於我趕緊功課既關係, 我之後都冇再特別注意佢. 

過左一陣, 係我諗緊下一條數點計果陣, 突然間我感覺到男班長係我耳邊既呼吸聲. 

我想回頭問佢做咩哄咁埋, 點知佢係我耳邊好溫柔咁講左一聲: 除衫... 

我當下以為自己聽錯, 所以唔敢有任何反應, 但過左一秒之後, 佢又再講多一次: 除衫啦... 

我紅都面哂, 雖然一直都覺得男班長又高大又靚仔, 但估唔到佢居然會咁大膽咁直接, 

同佢平時比人既印象差咁遠. 諗到呢度, 我已經不知不覺咁將手放到自己恤衫上面, 慢慢解開鈕扣...

點知佢突然話: 我叫你條式除三呀, 你做咩除衫呀 

我聽到佢咁講先知我會錯意, 而且望下周圍發覺原來已經有幾個同學食完飯返左黎. 

比佢地一傳十十傳百, 搞到依家放左學佢地都仲係whatsapp group度笑緊我, 聽日返學點算好?