王君馨何遠東搶盡鋒頭 《心理追兇》馬國明主角失威

王君馨何遠東搶盡鋒頭 《心理追兇》馬國明主角失威

on April 21, 2017 at 19:48

馬國明 最近在劇集《心理追兇Mind Hunter》入面擔正做心理學家，難得唔使再扮天然呆或者傻仔角色，全劇都西裝骨骨一副型棍look，可惜劇集播出至今，最多人講都只得演技大爆發的配角何遠東同王君馨，直頭搶盡馬明鋒頭！

廣告

攞視帝凍過水

現年43歲的馬國明出道18年，眼見同期林峰、吳卓羲都離巢發展，馬明仍然留低等攞視帝，不過近期由他主演的《為食神探》和《流氓皇帝》反應都麻麻，直到今次《心理追兇》扮演專業人士，全程西裝骨骨查案。不過身為男主角的馬明鋒頭似乎完全被掩蓋，觀眾討論得最多都係劇中兩個由受害者轉眼變成殺人犯的王君馨同何遠東，馬明想憑《心理追兇》再戰今年視帝，真係凍過水！

馬明早前在《為食神探》和《流氓皇帝》都係演天然呆或者傻更更角色，今次難得正正經經扮演專業人士，全程都可以西裝骨骨打扮有型。

不過作為主角馬明出場機會唔算多，經常都只係皺埋眉頭思考案情。

亦有少許慘情戲，但由於發揮唔多，冇法引起觀眾注意。

廣告

王君馨 何遠東 搶戲

相反何遠東在劇中不停被阿媽馬海倫壓迫辱罵，失手殺死阿媽後又失憶，獲劇迷激讚好戲！

王君馨更係自導自演扮成受害者，之後又秒變冷血殺人魔，演技大爆發，大受好評！

喊戲都一樣得，完全搶曬馬明鋒頭！

廣告

坎坷馬明

睇番馬明事業最高峰都係2012年憑《On Call 36小時》攞到TVB我最喜愛男角色獎同大馬視帝，但到如今43歲仍要經常做天然呆同傻仔角色，TVB視帝更係遙遙無期，真係睇見都戥佢坎呵！