慘！畀女飛至親亡，何遠東曾諗過自殺

慘！畀女飛至親亡　何遠東曾諗過自殺 

由馬國明、楊明與蔡思貝主演的無線劇集《心理追凶Mind Hunter》劇情緊湊，劇中的肥仔藝員何遠東失控以刀殺害惡母馬海倫，前晚一集在馬國明引導下終於記起此事！大批網友激贊東東弒母時喪心病狂，喊戲則夠催淚，一日間在網上獲洗版式狂贊，入行九年演盡閒角的東東終於吐一口烏氣！

東東在媒體邀請下，到成長地大埔玩街訪，大批街坊主動上前盛贊他的演得感人又索合照，紛紛高呼「何遠東支持你！」其後，他走入室內街市，菜檔姐姐冧贊東東好仔又好戲，又有老板娘贊他孝順，經常陪媽咪買餸！甚得民心的東東笑指若不做演員，可轉行做區議員！

曾是演藝學院高材生的東東同時演舞台劇及拍劇，舞台上曾提名「劇帝」，相比在電視圈卻郁郁不得志，更在台慶夜與吳業坤齊齊扮棋！眼見對方極速升呢，自認「葡萄」的東東曾檢討自己是否唔得：「聽過好多冷言冷語，話我只系識搞笑，但又唔系真系好笑喎！今次好似一鋪過所有嘢返曬嚟咁！睇到大家留言，我真系好感動！」受訪期間東東四度落淚，有感觸亦有傷痛，首先他多謝《心》劇監制、導演、助導、「母親」馬海倫以及陳豪與馬國明的鼓勵，提到演藝學院導師栽培時更一度缺堤。

提起父母無條件支持，東東忍不住又落淚：「好感激佢哋冇反對過我演戲！當年演藝學費五年要廿萬，佢哋即刻話幫我！畢業之後我乜都做，收入唔算差，但捱到有次爭啲暈低，Check到類似有脂肪肝問題。」2013至2015年是東東的低潮期，事業停滯不前，又先後被另一半拋棄及愛錫他的阿姨過身，提到往事又一次爆喊：「分手好痛苦！我仲要返公司拍開心嘢，半夜睇唔開就搵朋友訴苦，個世界好似咩都冇曬咁，曾經想過死！諗過好多自殺方法，我未系信基督嗰陣，有晚喺窗外見到十字架，我喊曬！之後慢慢放下。至於阿姨過身一事我到依家都未接受到，拍《心》劇場認屍戲，我真系經歷過，嗰45分鐘我喊唔停！阿姨系最支持我嘅人，遺憾我好似未報答曬佢恩情咁。」