司徒法正2017十二生肖完整版運程！最旺的生肖是……內附開運秘籍！

各位街坊肯定都好想知道究竟自己下年的運程會點？ 今次我地就睇睇司徒法正佢點講

仲有點樣可以幫自己開運咧？

— 事業 —

總體唔多順利，不過勝在有貴人幫忙，可以有所緩解。想要做生意搵合作伙伴嘅朋友，搵女性比男性更有助事業發展噢。打工仔喺雞年只要安守做好自己嘅工作，想要平穩度過呢一年都唔係無可能。

— 財運 —

受到太歲影響，今年財運上會有破財之兆。可以係年初買自己中意嘅嘢或者做慈善，擋破財之災。

投資方面，正所謂財不入急門，所以投資不宜過分急進，可以借助年長女性嘅經驗提升財運。

但係有關錢財方面嘅嘢要多加小心，無論係親朋好友定係工作伙伴都要數目分明。

— 愛情 —

雖然受到犯太歲嘅影響，但係屬鼠嘅朋友今年仲有少少桃花運。遇到合適嘅對象互相了解，循序漸進發展一段穩定嘅關系會比較有利。單身鼠男如果見到時機成熟可以隨時主動出擊，必要時可以自己創造機會。單身鼠女可以通過女性長輩、朋友牽線，有較大機會遇到滿意嘅對象。

拍緊拖或者結咗婚嘅朋友，要注意伴侶嘅健康。如果對方本身抵抗力差，就要提醒對方多做運動提高抵抗力。另外要注意生活細節上嘅問題，容易吵架。

— 健康 —

屬鼠嘅朋友，雞年要特別注意身體健康，會有比較多嘅小毛病。如果有舊患就更加要小心，喺行動同飲食方面都要十分注意，否則容易觸動舊患，導致復發。另外今年要避免進行高危活動，否則容易有損傷。開車人士要注意路上交通情況，稍作不慎容易發生流血意外。可以喺年初進行捐血同洗牙化解。

— 開運技巧 —

想化解太歲嘅影響，可以請太歲靈符隨身攜帶。亦都可以喺屋企流年（正西方）擺放全家和合靈符，有助家庭和睦。都可以擺鴛鴦，有助夫妻和睦。

— 事業 —

打工仔喺事業上會有突破性嘅發展。雖然會有阻礙，但都有貴人相助。如果係任職警隊、消防以及海關等紀律部隊嘅朋友，可以積極進修或者報考升級試，主動爭取表現。

做生意嘅朋友如果想搬寫字樓、工廠或者開拓海外市場嘅話，要三思。可以問有經驗嘅前輩，分析計劃可唔可行再行下一步。

— 財運 —

今年財運同工作會成正比，工作雖然辛苦，但係多勞多得。特別係做生意嘅朋友，凡事親力親為，會發展得唔錯而且錢都會袋袋平安。但係要留意客戶嘅財政狀況、信譽度，盡量避免賒數。

投資方面需要穩健保守，選擇長線投資，會有唔錯嘅增長。千奇唔好因為貪錢而鋌而走險，否則會惹上官非。

— 愛情 —

屬牛嘅朋友會將過多嘅注意力投入到工作上，所以戀愛運上只可以講平穩。單身嘅朋友如果追求一見鐘情，今年會比較難實現。反而可以留意身邊嘅朋友同事，試下由朋友開始發展，慢慢升華到愛情。

拍緊拖嘅朋友，要用心處理同雙方屋企人相處嘅問題，可能會比較難融入對方家庭。而結咗婚嘅就要坦誠相處，唔係會容易出現誤會。

— 健康 —

容易出現精神緊張，影響睡眠質量。建議合理分配作息時間，多做運動。如果允許可以去個短線旅游。

飲食上要注意避免油炸食物，否則會引發腸胃、皮膚等問題。

— 開運技巧 —

可以喺屋企流年（中宮）擺放粉晶水晶球，提升人緣，防小人。都可以喺正北方擺放聚財貔貅，化解破財之災。

— 事業 —

事業運有明顯提升。尤其對從事文書或創作嘅人最有利，發展機會比往年多，容易得到上司賞識。但係唔好因為工作忙碌而影響健康。

做生意嘅朋友會有好多機會，會得到貴人幫助，發展得唔錯。但要注意公司人員變動，做好對策預防影響公司正常運作。

— 財運 —

正財和橫財都有收獲。打工仔容易得到老板賞識，所以賺錢嘅機會都多咗。從事中介、公關嘅朋友，不僅舊客會對你大力支持，都會主動介紹新客人比你。

雖然今年財運唔差，但係容易有較多開支，要制定好理財計劃。投資不宜太過急進，否則會破財。

— 愛情 —

感情運一般，無桃花星眷顧，但都唔算差。單身嘅朋友會有機會遇到心儀對象，可以通過朋友介紹，都有可能係工作場合或者人地嘅婚宴現場識到。

已婚或者拍緊拖嘅朋友要注意同對方嘅相處方式，會用爭吵嘅情況，不過會有「和事佬」出面解決。

— 健康 —

今年要注意流行疾病嘅預防，特別轉季嘅時候。容易感染傳染病，不過唔洗太擔心，都係小病小痛。

得到吉星庇佑，之前如果有失眠嘅情況會得到改善。個人情緒、精神都比較好。

但係飲食要節制，唔好因為體重原因引發其他身體問題。

— 開運技巧 —

可以喺屋企正北方擺放招財童子，有助財運亨通。都可以喺西北方擺放白水晶球，有助於提高家人嘅健康。

— 事業 —

工作壓力較大，工作上無法發揮正常水平。打工仔可以主動爭取出差或者調配其他地區嘅機會。屬兔嘅朋友今年唔適宜轉工跳槽。

做生意嘅朋友會收到無理客人嘅刁難，不過多一事不如少一事，盡量低調處理。

— 財運 —

今年財運低迷，而且有破財嘅情況。工作上要走嚟走去，忙碌先可以生財。做生意要認真計算成本，盡量開源節流，保證收支平衡。

投資方面唔好向高難度挑戰，盡量選擇中長線投資。博彩活動可免則免，否則損手離場居多。

— 愛情 —

今年桃花運一般，恐怕追求唔到轟轟烈烈嘅愛情。單身嘅朋友社交比較平淡，就算朋友介紹比你都無咩興趣。

已婚或者拍緊拖嘅朋友，要好好維護感情，容易產生誤會。另外，結咗婚嘅朋友注意同異性嘅相處，唔係嘅話容易被流言蜚語搞到周身麻煩。

— 健康 —

要注意交通安全，容易出現交通意外而受傷流血嘅情況。關節方面嘅健康都要小心注意，尤其膝頭、腰骨以及腳眼容易受傷。

家具安全都要留心，刀具利器一定要放喺安全嘅地方，用嘅時候都要注意，容易發生血光之災。

— 開運技巧 —

可喺屋企中宮擺放招貴人旺事業靈牌，有助於化解小人嘅加害促進人際關系和睦，有助於事業發展。都可以喺屋企西北方擺放銀元，提升健康運。

— 事業 —

今年事業比較順利，尤其從事行政工作嘅朋友。個人才華以及領導能力得以發揮，記得把握機會。

做生意嘅朋友如有擴大公司業務嘅計劃，建議上半年應以整頓內部為首要工作。再決定以後發展。

— 財運 —

今年財運唔錯，加上有貴人嘅幫助會有突破性嘅發展。打工仔會獲得上司以及長輩提攜，有望加人工。

投資方面會獲得貴人嘅專業分析，只要唔好過分急進就有唔錯嘅進賬。但不宜為他人作擔保借貸，以免一去無回頭。

— 愛情 —

今年桃花運教為平穩。得到吉星降臨，單身嘅朋友有機會通過朋友介紹識到心儀嘅對象，就算做唔到情侶，對方都會成為你嘅貴人。

已婚或者拍緊拖嘅朋友，由於今年事業運太過強勁，注意力都放曬係工作上，有可能無法兼顧感情生活。

— 健康 —

今年身體健康無咩大礙。唯獨因為事業發展，今年會有比較多嘅應酬聚會參加，要注意飲食同充足嘅休息，可以定期進行身體檢查。

小朋友方面會因天氣變化有較多傷風感冒同喉嚨唔舒服，建議做多啲運動加強免疫力。

— 事業 —

屬蛇嘅朋友雞年工作運唔錯，從事藝術、廣告創作或者同音樂有關嘅行業都會有唔錯嘅發展。不過容易與上司同事意見不合，導致情緒低落。

對於打工嘅朋友，今年團隊精神以及合作性一般，小心得罪其他人，尤其女上司。

— 財運 —

做生意嘅朋友今年財運唔錯，就會有新嘅發展方向同合作機會。建議工作上親力親為，用多啲時間分析市場走勢，有望領先同行搵多啲銀。

偏財運唔算好旺，投資方面穩健保守為主，唔好輕易相信他人嘅小道消息。

— 愛情 —

會有孤芳自賞嘅獨處時間。單身嘅朋友容易先入為主，就算識到新對象都覺得對方唔了解自己，不妨打開心結，主動邁出一步。

拍緊拖或者已婚嘅朋友建議可以多啲同另一半參加朋友聚會，增進感情。

— 健康 —

如果有牙痛建議盡快睇醫生，都要少食濕熱、煎炸食物，可以降低患病機會。

如果有養寵物嘅朋友要關注寵物嘅情緒，如果有情緒唔穩定，建議唔好同陌生人接觸，預防寵物咬傷他人。另外，要避免參加高危活動，例如攀岩、登山、跳傘、潛水等等。

— 開運技巧 —

可以喺屋企正南方擺放辟邪化煞靈牌，減少意外受傷嘅發生，提升屋企人健康運；都可以喺屋企東南方擺放開花植物，提升感情運。

— 事業 —

事業運唔錯，上司老板會認可你嘅表現，有望升職加薪。按係情緒容易起伏，建議今年盡量少說話多做事，謙虛低調，以免鋒芒太露招人妒忌。

做生意嘅朋友會面臨公司內部重整，人事調動等問題。

— 財運 —

財運尚算平穩，付出與收獲成正比。做生意嘅朋友要小心處理關於錢嘅問題，要再三確認。同時保證公司有充足嘅流動資金。

另外，今年切記不宜作任何借貸擔保，以免一去無回頭。

— 愛情 —

今年屬馬嘅朋友桃花星唔錯，馬女更利桃花。單身者有機會參加唔少聚會應酬，有機會認識到心儀對象。

戀愛中嘅朋友可以考慮今年結婚，但要注意籌辦婚禮過程中容易出現分歧，凡事多忍讓。

結左婚嘅朋友今年桃花都好旺，容易認識新異性，切勿作出越軌行為，唔係跳落黃河都洗唔清。

— 健康 —

關節、雙腳及腰骨容易受傷，有運動習慣嘅朋友要注意筋骨。亦不宜進行高危運動。

個人壓力比較大，容易情緒不穩胡思亂想，可以定期進行身體檢查，遇到唔舒服盡快睇醫生。

— 開運技巧 —

可以喺屋企西南方擺放避邪化煞靈牌，舒緩情緒緊張，保持心境平靜。亦可以喺正西方擺放招人緣姻緣靈牌，增強人緣減少同他人發生摩擦。

— 事業 —

屬羊嘅朋友今年事業會得到發展機會，工作狀態唔錯。但受到凶星影響，就算機會喺面前都困難重重，記得要主動爭取機會。

另外，要特別留意同同事之間嘅相處，建議收斂沖動嘅性格，多接受人地嘅意見，保持同事間嘅和睦。今年不宜轉工跳槽，如果一定要換建議待時機成熟再作決定。

— 財運 —

今年會有較多無謂開支，而且會有破財之災。要做好理財計劃控制支出，有余錢建議存入銀行收息比較好。

做生意嘅朋友千萬唔好因為利益做越軌嘅行為，否則會惹上官非。打工嘅朋友會得到機會，多勞多得。投資運一般，絕不宜急進短炒投機。

— 愛情 —

感情運平淡，單身嘅朋友甚少參加聚會活動，都處於獨處時光，就算長輩安排相親都只係走走過場，無進一步發展。

而工作上嘅阻礙會困擾戀愛中嘅朋友，工作之余建議留啲時間比對方。結咗婚嘅朋友容易有矛盾，建議多溝通。

— 健康 —

容易意外受傷，需要格外留神。如果打算出門旅游或者出差一定要小心，容易發生流血意外。

生活中要小心金屬利器，尤其係小朋友。開車嘅朋友要注意路面情況，特別係雷雨天氣，切勿車速過快。

— 開運技巧 —

可喺屋企西南方擺放太極開運靈牌，減少磨難，釋放壓力；亦可於正南方擺放保萬事平安靈牌，保佑出入平安，逢凶化吉。

— 事業 —

受到吉星帶動，從事前線或者要面對客戶嘅工作嘅朋友，都會有唔錯嘅發展。無論同客戶、上司抑或同事關系都比往年好。由於事業運處於上升階段，建議留守原來崗位，不宜轉工或換部門。

— 財運 —

擺脫太歲嘅影響，財運比往年好，可以減少破財機會同無謂開支。從事傭金行業嘅朋友今年業績明顯進步唔少，正財收入唔錯。

喺理財或投資方面都要保守謹慎，博彩要適可而止。容易因為健康問題導致破財，建議平時多注重身體保養。

— 愛情 —

雖然桃花未算大旺，但都唔錯，今年係屬猴嘅朋友感情重新出發嘅一年，有機會喺聚會或者屋企人介紹過程中遇到心儀對象，更有閃婚可能。

拍緊拖嘅朋友可以計劃今年完婚，而結咗婚嘅朋友就要小心處理同異性嘅相處，以防出現婚外情。

— 健康 —

整體健康運有提升，意外受傷機會減少，但仍有傷風感冒等小病痛。加上有唔少應酬飯局，容易大飲大食影響健康。

— 開運技巧 —

可以喺家中西南方擺放銀元，改善健康問題，減少疾病纏身；都可以喺屋企東南方擺放姻緣和合靈牌，提升姻緣運，促進婚事喜事嘅進展。

— 事業 —

事業方面，今年適宜喺原來嘅基礎上循序漸進，經商嘅朋友如果有意將事業擴大或涉足其他鄰域可以喺今年先做好准備再行動。打工嘅朋友轉工跳槽前要先三思而後行。

喺工作上容易受到是非口舌影響，需要特別注意同他人嘅相處。

— 財運 —

由於流年受太歲影響，會有耗財損財嘅情況，要注意收支平衡，可以制定理財計劃，理性消費，如果有閒錢可以放入銀行收息。

投資、博彩要步步為營，可以考慮保守投資。

— 愛情 —

今年愛情運平平無奇。單身嘅朋友應該多擴展社交圈子，增加機會，但係交友要小心謹慎，容易因誤交損友惹上麻煩。

拍緊拖嘅就要多花時間營造浪漫氣氛，以免交往過於平淡令感情發生變化。

— 健康 —

受到凶星影響，要特別留心金屬利器，特別係從事水電工同經常使用利器嘅朋友。上咗年紀嘅朋友要注意泌尿系統方面嘅疾病，初期發病要馬上求醫。女性朋友要注意婦科疾病，注意清潔。

— 開運技巧 —

屬雞嘅朋友今年犯太歲，運氣會有較多阻滯，可以喺年初向太歲祈福，或者奉請化解沖犯太歲靈牌隨身攜帶，改善運程。亦可以喺書台或者東北方擺放水晶文昌塔，有助於解決學業問題。

— 事業 —

工作上要特備小心處理文書方面嘅工作，容易因為文檔、合約上嘅內容與同事、上司產生爭拗。另外，今年特別容易因為工作忙碌而引起疾病，壓合理分配休息時間同工作時間。

做生意嘅朋友宜保守經營，可能利潤未達到目標，但起碼夠收支平衡。

— 財運 —

因受凶星影響，財運起伏不定，就算即將傾好嘅合約都好容易臨門一腳出現意外。建議喺年初制定理財計劃，都可以考慮購買實物保值。

另外，投機炒賣可免則免。宜選擇保守投資方案，切記短期投資。

— 愛情 —

今年感情運平平，未有戀人嘅朋友，難遇到真正嘅桃花。就算遇到都係爛桃花，所以不宜過分急進，待感情穩定先好全情投入，以免受到傷害。

有另一半嘅朋友，雖然有少許口角，但感情都算穩定。已婚人士對待異性唔好過分熱情，以免陷入糾纏不清嘅三角關系。

— 健康 —

由於受到凶星同太歲嘅影響，要小心意外發生。橫過馬路要加倍小心。開車嘅朋友都要注意路面交通情況，避免發生意外。

另外，會有較多應酬機會，要謹記凡事適可而止。要適當舒緩壓力，避免因壓力產生負面情緒，影響睡眠質量。

— 開運技巧 —

可奉請全家和合符放喺屋企近門口嘅位置，起到家庭和睦嘅作用；亦可於正北方擺放聚財貔貅，有助於提升偏財運，減少失財。

— 事業 —

需要經常出差或者四處走動嘅朋友會得到唔少發展機會。但係工作辛苦，多勞未必會多得。而且言行要特別小心，以免得罪他人。無論對待客戶或者上司都要有包容同忍耐之心，否則會影響事業運。

另外，今年不宜喺工作上作出重大決定，不妨多同朋友傾訴，亦可考慮進修同工作有關嘅課程。

— 財運 —

今年財運平平，不過不失。如果想要置業要小心為上，容易因為置業而破財。另外不宜借錢俾親朋好友，容易因為金錢問題損害大家嘅關系。

投資方面不宜過分進取，寧可穩守靜待最佳時機。

— 愛情 —

今年桃花運較弱，單身嘅朋友只可以喺出差或者出門旅游嘅時候遇上合適嘅對象。已婚嘅朋友會因為瑣事影響兩人嘅感情，盡量少理是非，兩人要好好溝通，

另外，有拖拍嘅男士不宜與女伴有任何金錢瓜葛，容易因才失義，惹來桃花劫。

— 健康 —

健康方面要小心，容易有血光之災。尤其係出門旅游或者出差嘅時候要特別注意。上咗年紀嘅朋友要注意身體變化；從事高危工作嘅朋友要確保安全措施下先好繼續工作。

— 開運技巧 —

屬豬嘅朋友雖然整體運勢會比上年好，但因為受到凶星影響，今年都講唔上係稱心如意嘅一年。探病問喪嘅場合如非必要盡量唔好參加，可以喺屋企西北方擺放銀元提升健康運；亦可奉請平安靈符隨身攜帶，保佑平安。

——╱╱╱╲╲╲——

總體來講，今年犯太歲的生肖分別係

屬兔、屬鼠、屬狗、屬雞

所以不妨去拜拜太歲

以上的內容都係僅供參考哦

新嘅一年，新嘅希望

最緊要自己俾心機，明天肯定會更好嘅！