「政府檔案」嘉利大廈五級大火死者陳小姐，死後繼續叫外賣事件

最近睇左一些關於佐敦 嘉利大廈五級大火，導致40人死亡的新聞，時間係1996年11月20日，即係九七回歸前，跟住做左一些果次大火既資料搜集，準備寫一個關於 嘉利大廈 鬼古事比大家睇.

我記得果晚開始執筆寫 嘉利大廈 火災後發生既事如下：

嘉利大廈五級大火現場解封後，大廈立案法團馬上叫裝修工程工程公司報價維修，工程約6個月，亦都好快有師傅開工，因為呢幢大廈比較敏感，所以裝修佬好少夜晚加班，只係得夜晚兩個看更返工，呢單工程都進展得好順利，踏入第6個月，亦即係裝修交貨期，有一晚附近上海街一間快餐店，名字唔知叫 良友 定 新良友，通常呢種只送外賣式炔餐店，都係通宵營業，果晚大約一點鐘，快餐店外賣電話響.收銀員：叫咩食？對方：唔該一盒茄汁餐蛋意粉，一杯凍鴛鴦.華登夜總會connie媽唔該.對方然後掛線.但外賣電話又再響起，對方係一打女聲：干炒牛河，凍0茶.收銀員：邊度呀？對方：嘉利大廈1601室.然後掛線.收銀員覺得有點奇怪.因為嘉利大廈都有一段時間夜晚無叫外賣.但係因為有來電顯示關係，所以照落單.收銀員：等陣邊個送華登夜總會，一齊送埋 嘉利大廈1601.外賣整好左，外賣佬剛出發，外賣電話響，對方：干炒牛河，凍0茶.收銀員睇一睇來電顯示就話啦：出左，送緊去呀.對方果個女人都未等收銀員回答好，就收左線.

如是者外賣佬就先去華登夜總會，再去嘉利大廈.去到嘉利大廈入口，其中一個看更問：你去邊？

外賣佬：送野上1601呀！

呢個時候兩個看更你眼望我眼，其中一口吞口水問：你有無送錯地方？

外賣佬：嘉利大廈1601室，仲留埋電話架.236xxxxx.

另外一個看更拿起一本業主及租客電話簿，確實1601租客陳小姐係用呢個電話登記，於是個看更就打比呢一個租客，打左3次都係長響，表示沒有此號碼登記，改為打手機，都係話沒有用戶登記，點好呢，就係呢個時候，管理處電話響，原來係發生嘉利大廈大火之前，在嘉利大廈做之班既同事打黎，打算打牙較，但係呢個來得正好......

嘉利大廈前夜班看更問：今晚你兩個又玩鬥地主呀？

嘉利看更：你電話來得正好，有正經野想問一問你！

對方：咩事先？

嘉利看更：1601室陳小姐樓上電話同手機都打唔到，有個外賣佬話要送野上去.

對方：家嚇點幾兩點，唔好玩埋呢挺野，1601陳小姐咪上次火燭走左.仲點叫外賣呀！

嘉利看更：收線，做正經野先.

收線後，其中一個看更對外賣佬講，1601無陳小姐，唔比上.

於是乎外賣佬就將那些外賣帶回快餐店，正想開口講.收銀員先出聲：個女人係咪傻架，每5分鐘打一次電話黎.送左拿？

外賣佬：看更話無人叫外賣，唔比上.

就係呢個時候，快餐店老細返，問收銀乜野事？收銀就照直講，老細聽完之後就對收銀講，以前嘉利大廈未五級大火前1601個女人一星期都有兩晚成點鐘先叫外賣，例牌干炒牛河同凍0茶.後黎嘉利火燭燒死左.無緣無故呢個女人又叫返外賣，並且吩咐以後見到呢個來電顯示都唔好接.收銀員同外賣佬聽完之後，嚇到即刻將盒干炒牛河同埋凍0茶掉出出面垃圾桶...

_________________________________

後話：當我寫完呢篇嘉利大廈鬼古之後，都有D毛管動，覺得門外好似有女人細細聲叫：火燭呀！

於是打開大門睇嚇，一切正常，閂門後，屋企固網電話響，對方傳來一把女人聲：干炒牛河，凍0茶！

我聽完後睇一睇電話來電顯示236xxxxx