4 款入秋滋補湯水、糖水推介　潤肺止咳、滋潤養顏、健脾益氣有齊曬

4 款入秋滋補湯水、糖水推介　潤肺止咳、滋潤養顏、健脾益氣有齊曬

話咁快就嚟入秋啦，天氣開始乾燥之餘，秋風起開始有幾聲咳。呢啲情況最適合就係煲番啲滋補湯水，滋潤嚇～

蘋果雪梨無花果瘦肉湯有幾聲咳嘅朋友飲呢個湯就啱曬啦，雪梨蘋果清肺，南北杏潤肺止咳，無花果健脾益氣。不過體質偏寒濕者就不宜多食。

材料：蘋果 2 個、雪梨 2 個、無花果 2 個、瘦肉、陳皮 1 個、南北杏適量。

做法：蘋果、雪梨、瘦肉洗淨切小塊備用。將材料洗淨，全部放入煲內加入適量清水，先將水煲滾後再調至慢火煲 2 小時。

Photo from Pinterest

蘋果雪梨無花果瘦肉湯

冰糖雪耳雪梨糖水天氣乾燥最適合就係飲冰糖雪耳雪梨糖水，清新潤肺之餘又滋潤皮膚，最適合貪靚嘅女士們。

材料：雪耳 1 個、雪梨 3 個、冰糖適量、南北杏適量

做法：將雪梨洗淨切塊，雪耳用水浸 30 分鐘至軟，剪去較硬部分後切塊，南北杏洗淨備用。將材料放入煲內加入適量清水，以大火煲滾後調至慢火煲 1 小時。

Photo from Pinterest

冰糖雪耳雪梨糖水

南瓜粟米紅蘿蔔豬骨湯南瓜補中益氣，有補血作用，紅蘿蔔補眼，抗氧化，粟米降壓，增強心血管彈性。

材料：南瓜半個、粟米 2 條、紅蘿蔔 1 個、豬骨

做法：南瓜、粟米、紅蘿蔔洗淨切塊，豬骨洗淨出水。先用大火煲 30 分鐘，再調至慢火煲 1 小時，之後再轉大火煲至大滾。

Photo from Pinterest

南瓜粟米紅蘿蔔豬骨湯

紅棗花生雞腳湯紅棗補血，雞腳有豐富膠質，對皮膚好，幾適合女士們飲～

材料：紅棗 8 粒、花生適量、雞腳適量、陳皮一小塊。

做法：將雞腳切去尖爪後煮滾備用，紅棗及花生洗淨，陳皮浸軟。將所有材料放入煲內加入適量清水，大火煲滾後調至慢火煲 2 小時。

Photo from Pinterest

紅棗花生雞腳

參考來源