女生必學易做！ 5招在家「燃脂瑜伽」動作 無需外出也能運動！
easyslim
女生必學易做！ 5招在家「燃脂瑜伽」動作 無需外出也能運動！
「燃脂瑜伽」近年嚟十分受女生歡迎！再加上近日疫情影響，好多人都會選擇留喺屋企抗疫。留喺屋企嘅你嫌無乜細藝？HomeOffice完時間又多，唔知做咩好？想做運動又唔知點入手？今日小編就為大家準備咗5招居家「燃脂瑜伽」教學，可以訓練完美身段之餘，重可以增強抵抗力！不妨參考以下，每日用短短嘅空閒時間做已經可以達到燃燒脂肪嘅效果！
安在家中 5種瑜伽動作幫你燒脂
喺新西蘭嘅一個12星期實驗中，發現每星期3次，每次8分鐘嘅睡前瑜伽，令實驗嘅人平均減去2.3公斤同埋有氧代謝能力更增加咗15%，非常有效同健康。
1. 樹式（Tree Pose）
樹式姿勢可以提升平衡力、專注力，同埋強化下肢力量。
步驟：1. 預備站姿，雙腳保持伸直，雙手放喺身體嘅兩側。2. 右腳慢慢提起，屈膝，再打開伸展至外側。3. 腳掌提起，貼近左邊嘅大腿內側，並保持平衡。4. 穩定之後，雙手合十放喺胸前，然後做另一邊。
2. 船式（Boat Pose）
船式姿勢能夠強化核心肌群、雙腿肌肉訓練。
步驟：1. 雙腳屈膝坐喺瑜伽墊上面。2. 雙手扶住膝蓋嘅後側，雙腳抬高朝天，直到小腿同埋地下平行。3. 慢慢伸直雙腿，而雙手向前伸，同埋地下保持平行，身體能呈現V字型。4. 保持姿勢幾秒，雙腳慢慢放低，並回到坐姿。
3. 龜式 (Tortoise Pose)
龜式姿勢能夠伸展肺部，增加肺容量，更能夠紓緩哮喘。以及刺激腹部器官，改善消化不良、便秘等問題。步驟：
1. 將腿微曲，手喺膝部嘅位置穿入，下背拉長，將身體沉低。
2. 手穿入嘅時候，扭一扭手肘，把手掌向天。
3. 兩手穿入膝後，反轉雙手以手背向天，再打橫伸直雙手。
4. 慢慢咁收窄雙腳間嘅距離，盡量伸直雙腿。
5.胸口同埋下巴盡量貼地。進階者可以將雙手於背上緊扣。
4. 弓式（Dhanurasana）
弓式姿勢可收縮腹部，刺激消化系統，防止便秘同埋舒展身體。
1. 面朝下背朝上，雙腳向後伸展，雙手放喺身體兩側2. 膝蓋向後彎曲，雙手繞到後背試著觸摸自己嘅腳踝同腳部，保持呢個姿勢3. 吸氣，慢慢抬頭，彎曲向後，盡量將腿抬高4. 保持呢個姿勢15-30秒鐘，維持呼吸正常5. 呼氣，回到起始位置，休息15秒，練習5次
5. 棒式（Kumbhakasana）
棒式姿勢能燃燒腹部脂肪，加強肩膀、手臂、背部、大腿同埋臀部嘅肌肉。
1. 趴臥姿勢，雙腿伸直，雙手放喺身體兩側2. 吸氣，伸直雙腳，用腳趾同手掌撐起身體3. 背部、臀部記得要成一直線4. 收縮腹部肌肉5. 維持姿勢，雙手手指張開，保持15-30秒6. 呼氣，膝蓋放鬆，休息15秒，練習5次
分享到Line