踢走 頸梗肩痛 ！私心分享紓緩都巿痛症方法

踢走 頸梗肩痛 ！私心分享紓緩都巿痛症方法

平時喺Office坐住對電腦超過8個鐘咁多、低頭玩手機，加上呢排WFH多咗時間喺屋企，媽媽們又因為停學抽多咗時間照顧家中小孩，身邊嘅姊妹同美編自己難免都會出現都巿痛症，例如︰頸痛、肩膀、上背痛痛等，有啲人會選擇按下摩，但對於一些急性或長期痛症，按摩呢啲方法只能短暫放鬆肌肉，未必能夠針對治療痛症，情況嚴重更影響日常及社交生活，點算好？唔使驚，有專業人士建議美編一啲可以紓緩到 頸梗肩痛 月女呢啲常見痛症嘅方法，今篇一次過同大家分享下啦！

勿掉以輕心！ 頸梗肩痛 全因錯誤姿勢

好多都市痛症都係因為長期姿勢不正確造成，上班一族用電腦時姿勢唔啱，或者習慣低頭睇手機或文件，都會加重頸部負荷，損害頸椎健康，有醫生指出，頸椎問題等痛症有年輕化趨勢。曾經有研究指出，原來每低頭一吋，頸椎會增加10磅負荷，如果低頭睇手機，頭耷低45度，條頸就要承受近50磅咁多，所以長時間會損害頸椎；當肌肉長期處於繃緊狀態，失去彈性，便會引發酸痛。除咗頸痛、肩膊痛、上背痛等，手臂亦可能會感到繃緊，肌肉僵硬，限制咗肩關節嘅活動範圍之外，嚴重啲更可能會誘發頸椎椎間盤突出或骨質增生，壓迫到其他神經，或會出現頭痛、眩暈、刺痛、閃痛、麻痺等不適。如不及時妥善處理，痛感會持續及蔓延至整個背部及腿部。因此，各位要認真處理，真係唔可以掉以輕心！

姿勢唔好，令身體出現各種都巿痛症。

注意姿勢減少痛症出現

坊間唔少人會用按摩、刮痧或貼藥膏布去紓緩痛症，呢啲可以放鬆肌肉但唔可以根治痛症。所以大家都係還原基本步，注意姿勢正確先可以保持頸椎、筋腱及肌肉健康，例如︰枱下有足夠空間、螢幕和鍵盤根據個人身高與椅子高度調整、坐姿要雙腳踏地、肩膊與手踭呈90度、坐低時貼緊椅背令腰部有承托力，以及保持上半身挺直等，預防頸椎勞損。但問題嚴重者，例如有長期疼痛、試過紓緩痛症嘅方法都無用，就要搵專業人士幫手！

正確姿勢有助減少頸椎壓力，可預防及減少痛症出現，各位姊妹要注意呀！

物理治療改善痛症方法治標又治本

物理治療可說是最直接、又有效針對各種痛症嘅方法。經專業物理治療師診斷痛症嘅成因、再安排針對性治療。物理治療通常會利用超聲波、電磁波技術等設備，再配合手法治療等去紓緩及治療各種都市痛症，改善患者活動能力。

大家可以透過物理治療，針對性去紓緩及治療痛症，成效顯著。

利用高強度電磁波改善痛症

BTL Super Inductive System（SIS）配備專利技術，以HIEF高強度電磁波技術（High-intensity Electromagnetic field），針對及改善各種痛症。利用高強度電磁能量與人體嘅相互作用，精準地深入痛楚根源，持續收緊及放鬆肌肉，有助紓緩因姿勢不良或不同成因而造成嘅痛症，例如︰因肌肉發炎、軟組織發炎（如筋膜炎、肌腱炎等）或神經受損而引致嘅頸痛、肩膊痛、上背痛、腰背痛、關節痛等。SIS療程為非入侵性，多份臨床報告證實有效減輕痛楚達87%1、62%患者表示痛楚獲得即時紓緩2、患者自理能力提升56% 1，仲可以訓練肌肉，預防肌肉退化，亦可以改善關節靈活度，以及增加血液循環及組織代謝能力，減輕腫脹，加快骨折癒合，絕對係都市人嘅恩物。

參考來源